Pastrim parash dhe kontrabandë, arrestohet 29-vjeçari, sekuestrohen euro e buzhuteri

Pas një hetimi intensiv 5-mujor, i udhëhequr nga Seksioni për Hetimin e Pastrimit të Parave dhe Aseteve Kriminale, ka çuar në arrestimin e shtetasit me iniciale A. M., 29 vjeç, banues në Fushë Krujë, nën dyshimin për pastrim parash dhe veprimtari të paligjshme me burime kriminale.

Në kontrollet e zhvilluara në biznesin e 29-vjeçarit, konkretisht një exchange dhe argjendari, janë gjetur 100 mijë euro cash, të cilat dyshohet se u jepeshin hua kundrejt përfitimit të lartë.

Përveç kësaj, në ambiente të tjera të biznesit, u gjetën gjithashtu bizhuteri floriri, të dyshuara për të qenë të kontrabanduara, pasi nuk ishin të pajisura me fatura blerjeje. Këto bizhuteri kishin një peshë prej 1400.41 gramë dhe një vlerë prej 187,000 euro.

Po ashtu, është proceduar penalisht për veprimtaritë e dyshuara dhe babai i 29-vjeçarit, shtetasi A. M., 60 vjeç, që dyshohet se ka bashkëpunuar në pastrimin e parave dhe kontrabandën e bizhuterive. Hetimet vijojnë për të identifikuar dhe për të sjellë përpara drejtësisë shtetasit e tjerë të mundshëm të përfshirë në këto aktivitete kriminale.

Materialet hetimore janë referuar Prokurorisë së Tiranës për veprime të mëtejshme, mbi akuzat për “Pastrimin e produkteve të veprës penale ose veprimtarisë kriminale”, “Tregtimi dhe transportimi i mallrave të kontrabanduara”, dhe “Fshehja e të ardhurave”.

LEXONI GJITHASHTU:

• Hoxha: E-mailet e prokurorëve të SPAK nuk u hakëruan, janë publikuar nga brenda
• Posedonte 107 doza kokaine dhe 5 targa automjetesh, arrestohet 25-vjeçari në Tiranë