Papa Françesku shfaqet për herë të parë në publik që kur doli nga spitali

Papa Françesku u shfaq sot në publik për herë të parë që kur doli nga spitali dy javë më parë pas trajtimit për pneumoni dhe u shfaq në një karrocë me rrota në sheshin e Shën Pjetrit në Vatikan, transmeton Vatican News.

Papa doli në shesh pa paralajmërim pak para orës 12 për të përshëndetur të mbledhurit në fund të meshës.

Duke folur për sëmundjen e tij, ai tha se nuk është barrë, por mësim besimi, mirënjohjeje dhe shprese.

Papa Françesku falënderoi punonjësit e shëndetësisë, duke theksuar se “shtrati i të sëmurëve mund të bëhet një vend i shenjtë, ku bamirësia mposht indiferencën dhe mirënjohja ushqen shpresën”.