Van Dijk i thotë “jo” për herë të dytë Liverpool, PSG futet në garë për lojtarin

Kur kanë kaluar 7 vjet nga mbërritja e tij në Anfield, Virgil Van Dijk mendon për largimin, dhe këtë herë duket se e ka vendosur përfundimisht.

Holandezi zhvilloi një bisedë me drejtuesit e klubit, ku ka refuzuar rinovimin e kontratës, dhe me shumë mundësi, zgjidhja e vetme është largimi nga “të kuqtë”.

Sipas mediave britanike, futbollisti e ka refuzuar edhe më herët rinovimin, duke konfirmuar se koha e tij në Anfield ka mbaruar, dhe trajneri Slot duhet të mendojë për zëvendësuesin.

Pak ditë më parë, Van Dijk u pa teksa takonte drejtues të PSG, dhe mësohet se nuk ishte një takim i zakonshëm, pasi menjëherë, francezët kërkuan shërbimet e tij.

Gara për të siguruar Van Dijk është e fortë, pasi po diskutohen dhe emra si Bayern, Barcelona dhe Real Madrid.

Sheikët po bëjnë gati menjëherë një ofertë tërheqëse për shtatlartin, që natyrisht, vështirë se do ta refuzojë, duke pasur parasysh dhe moshën e tij 33-vjeçare.

Ai u bë pjesë e Liverpool në vitin 2018, dhe që prej asaj kohe ka luajtur më shumë se 220 ndeshje, duke mbajtur gjithashtu shiritin e kapitenit.

Që në momentin kur u largua Klopp, Van Dijk ka dhënë sinjale pakënaqësie, dhe duket se asgjë nuk ka qenë rastësi. Lojtari pritet t’i japë lamtumirën aventurës në Angli.

LEXONI GJITHASHTU:

• Ilirjan Alliu vlerësohet me titullin “Legjendë e Futbollit Shqiptar”
• Seria A: Hap fals i Interit në transfertë, Roma-Juventus pa fitues