U përfshinë në konflikt me njëri-tjetrin, 2 të arrestuar, një 15 vjeçar në kërkim

Në vijim të hetimeve për një konflikt të rëndë të ndodhur dy ditë më parë në Lezhë, Policia e Tiranës ka arrestuar dy shtetas dhe shpallur në kërkim një tjetër 15-vjeçar të përfshirë në ngjarje.

Policia ka arrestuar shtetasit me iniciale R. M., 20 vjeç dhe A. D., 15 vjeç, të cilët dyshohen për kryerjen e veprave penale “Plagosje e rëndë me dashje”, kryer në bashkëpunim, dhe “Prishja e qetësisë publike”.

Gjatë operacionit, Policia ka sekuestruar automjetin e përdorur gjatë ngjarjes, i cili është marrë në cilësinë e provës materiale.

Gjithashtu, në kuadër të hetimeve, është shpallur në kërkim një tjetër shtetas 15-vjeçar, G. P., banues në Lezhë, i cili dyshohet të jetë i përfshirë në konflikt. Hetimet janë ende në zhvillim për të identifikuar dhe lokalizuar personat e tjerë të përfshirë në këtë ngjarje të dhunshme.

Materialet procedurale janë dërguar pranë Prokurorisë së Shkallës së Parë Lezhë, e cila po vijon veprimet për veprat penale që lidhen me këtë konflikt.