Raporti i ISHP, rritet numri i pacientëve që kanë probleme me mushkëritë dhe kancer

Sëmundjet pulmonare kronike po vijnë në rritje të vazhdueshme. Një raport i Institutit të Shëndetit Publik i realizuar në Tiranë, Elbasan, Fier, Kukës dhe Korçë ngre shqetësimin se 37.7% e pacientëve janë në stadin e tretë dhe 35.4% në stadin e 4 të sëmundjes, duke e bërë të vështirë trajtimin. por mjekët në spitalin Universitar ‘Shefqet Ndroqi’, vërejnë se paralelisht me SPOK po rriten edhe rastet e kancerit të mushkërive.

Ekspertët e ISHP thonë në raport se mungesa e aktivitetit fizik, dieta ushqimore, obeziteti, ndotja e ajrit dhe profesioni janë ndër faktorët kryesorë që kanë ndikuar në zhvillimin e problemeve me mushkëritë në 82.1% rasteve por mjekët thonë se duhanpirja është faktori kryesor.

Një tjetër element mbetet ulja e moshë së pacientëve, nën 50 vjeç. Prevalenca e sëmundjeve pulmonare obstruktive kronike kanë një prevalencë në rritje në të gjithë Evropën si pasojë e rritjes së faktorëve të rrezikut si duhani dhe ndotja e ajrit.

LEXONI GJITHASHTU:

• Mbillen 500 pemë në Korçë nga banorët e qytetit: Duam t’i kthejmë vendit mushkërinë
• Eksperti Shuperka: 9 nga 10 të sëmurë me kancer mushkërie janë duhanpirës