Eksperti Shuperka: 9 nga 10 të sëmurë me kancer mushkërie janë duhanpirës

31 maji është Dita Botërore kundër duhanit. Në këtë ditë në të gjithë botën organizohen aktivitete ndërgjegjësuese kundër pirjes së duhanit.

Normat e larta të pirjes së duhanit paraqesin rreziqe të konsiderueshme për shëndetin dhe kontribuojnë në sëmundje të ndryshme, duke përfshirë kancerin e mushkërive, sëmundjet e zemrës, çrregullimet e frymëmarrjes dhe komplikime të tjera shëndetësore. Për më tepër, pirja e duhanit ka implikime ekonomike, të tilla si rritja e kostove të kujdesit shëndetësor dhe reduktimi i produktivitetit, duke rënduar njerëzit, familjet dhe shoqërinë.

Eksperti i shëndetit publik Roland Shuperka tha në emisionin GoodMorning Albanians në Euronews Albania se 9 nga 10 të sëmurë me kancer mushkërie janë duhanpirës

“Sa i përket lënies së duhanit, Shqipëria dhe Ministria e Drejtësisë është më e përparuar, trajnohen në mënyrë të vazhdueshme mjekët e familjes si të ndihmojnë duhanpirësit të lënë duhanin, janë praktika të OBSH. Në asnjë vend të BE për lënien e duhanit nuk shkon njëri te toksikologu, shkon te mjeku i familjes që kanë trajnime të vazhdueshme. 80 për qind e duhanpirësve deklarojë se produktet e reja të duhanit janë të dëmshme ose më të dëmshme se duhani me djegie. Ka një mendim të gabuar, se nikotina nuk shkakton kancer, kanceri i mushkërive shkaktohet nga katrani, në 10 të sëmurë me kancer mushkërie janë duhanpirës”, tha mjeku.

LEXONI GJITHASHTU:

• Dita kundër Duhanit, sa e pinë shqiptarët dhe sëmundjet që rrezikojnë…
• Irlanda pritet të rrisë në 21 vjeç moshën e blerësve të duhanit