“Jo nga këneta”, Rama batuta me të rejat: Lërini të dashurit nëse votojnë “bufin”

Kryeministri Edi Rama zhvilloi pasditen e sotme një takim me votuesit për herë të parë në njësitë 1, 2 dhe 3 në Tiranë.

Në bashkëbisedimin me të rinjtë dhe të rejat në Tiranë, Rama nuk i kurseu batutat me premtimin e tij për pasaportën e BE-së.

“Nëse ata (të dashurit) janë të lëkundur tolerojini, nëse thonë se do votojmë për bufin e kënetës, lërini, mos i shihni me sy, dënojini, mos ja varni fare. Pastaj po qe se i doni aq shumë sa të ktheheni prapë tek ata lërini ca kohë të pendohen dhe kthehuni kur t’ju japin fjalën që nuk do ta përsërisin më atë gabim”, – tha Rama.