Vijon gjyqi për dosjen “Partizani”, avokatët mbrojtës: Pse nuk është thirrur Rama

Prej orës 9:30 po vijon në GJKKO procesi gjyqësor për dosjen “Partizani”, ku togat e zeza do duhet të vendosin nëse e kalojnë për gjykim, e kthejnë pas për plotësim hetimesh apo e pushojnë.

Avokatët e kreut të opozitës Sali Berisha në prapësimet e tyre kërkuan pavlefshmërinë e akteve dhe pushimin çështjes.

Sipas tyre, aktet e ekspertimit janë bërë në shkelje të ligjit nga hetuesit e BKH kur në fakt argumentuan ata do duhej të bëheshin nga ekspertë të licencuar.

Gjithashtu, avokatët prapësuan provat për ndryshim destinacioni të “Klubit Sportiv Partizani”, me pretendimin se janë bërë sipas tyre nga kryeministri Edi Rama, teksa ngritën pyetjen se përse nuk i janë marrë deklarime këtij të fundit.

SPAK ndërkohë ka përfunduar me parashtrimet dhe i ka dorëzuar edhe me shkrim.

LEXONI GJITHASHTU:

• Kërkesa e SPAK për gjykim, GJKKO vendos sot për dosjen Partizani
• Dosja “Partizani”, shtyhet sërish seanca në GJKKO