Izraeli postoi dhe më pas fshiu një postim ngushëllimi për vdekjen e Papës
Qeveria izraelite ndau dhe më pas fshiu një postim ngushëllimi në rrjetet sociale për vdekjen e Papa Françeskut, pa dhënë arsye për këtë, raportoi sot Reuters.
Mediat izraelite e lidhën këtë lëvizje me kritikat që Papa Françesku bëri për luftën në Gaza.
“U prehsh në paqe Papa Françesku. Qoftë i bekuar kujtimi i tij”, postoi të hënën llogaria e verifikuar “@Israel” në platformën X, pranë një fotografie të Papës teksa ai po vizitonte Murin Perëndimor në Jerusalem.
Jerusalem Post citoi zyrtarë në Ministrinë e Jashtme të Izraelit të kenë thënë se Papa kishte bërë “deklarata kundër Izraelit” dhe se ngushëllimet ishin postuar në mediat sociale “gabimisht”.
Papa Françesku, 88 vjeç, i cili vdiq të hënën, sugjeroi nëntorin e kaluar që komuniteti botëror duhet të studiojë nëse fushata ushtarake e Izraelit në Gaza përbënte gjenocid kundër palestinezëve, në disa nga kritikat e tij më të qarta për sjelljen e Izraelit në luftën me Hamasin që filloi në tetor 2023.
Papa gjithashtu e quajti situatën humanitare në Gaza “të turpshme” në janar, duke tërhequr kritika nga kryerabini hebre i Romës, i cili akuzoi Papa Françeskun për “mëri selektive”.
LEXONI GJITHASHTU:
Kryefaqja
Izraeli propozim për një tubacion që anashkalon Ngushticën e Hormuzit
Danimarka i përgjigjet Trumpit: Grenlanda nuk është në shitje
Qeni sfidon ariun për të shpëtuar djalin e shtëpisë, pronari: Do ta shpërblej me një biftek (VIDEO)
- 22:01 Publikohet fotoja familjare nga darka shtetërore e Presidentit Erdogan me liderët e NATO-s
- 21:54 Zhulali: Europa mbetet e varur nga SHBA për sigurinë, duhet të marrë më shumë përgjegjësi
- 21:37 Izraeli propozim për një tubacion që anashkalon Ngushticën e Hormuzit
- 21:32 Danimarka i përgjigjet Trumpit: Grenlanda nuk është në shitje
- 21:30 Le Pen: Do kandidoj për presidente në vitin 2027
- 21:14 Momente unike për Messin, shokët e ekipit e “mbajnë në ajër” pas kualifikimit madhështor të Argjentinës