92 raste të reja dhe një i vdekur nga COVID-19 në 24 orët e fundit

Në vendin tonë, gjatë 24 orëve të fundit kanë rezultuar 92 raste të reja me COVID-19, ndërsa një person ka humbur jetën nga ky virus.

Rezultatet e rasteve pozitive kanë dalë nga 2,851 testime të kryera.

Numri i pacientëve që e kanë kaluar me sukses betejën me virusin mbetet i lartë, pasi në 24 orët e fundit janë shëruar 842 qytetarë, duke e çuar numrin e të shëruarve në 113,468 që nga fillimi i epidemisë.

Aktualisht në spitalet COVID po trajtohen 112 pacientë, 10 në terapi intensive, nga të cilët 7 pacientë janë të intubuar.

Ministria e Shëndetësisë dhe Mbrojtjes Sociale kujton qytetarët që të vijojnë me zbatimin e masave kundër COVID-19.

Kujtojmë se sot Komiteti i Ekspertëve u mblodh për të përcaktuar masat e reja, ku vendosi se studentët do të kthehen në auditorë për konsultime dhe provime, personat që vijnë nga Greqia dhe RMV nuk nevojitet të kryejnë karantinë, ndërsa ora policore vijon si normalisht, pra ndalohet lëvizja pas orës 22:00.