“Nuk ka marrë asnjë kokërr leku”, Rama: Becchetti është në siklet të madh

Kryeministri Edi Rama iu përgjigj pyetjeve të ndjekësve në rubrikën e tij “Sy m’sy” edhe këtë të martë.

Një nga komentuesit tha se “varet sa miliona euro kanë shkuar për Francesco Becchettin”, ndërsa Rama u përgjigj se ai ende nuk ka marrë asnjë kokërr leku dhe, për më tepër, sipas Ramës, Becchetti ndodhet në një siklet të madh.

Rama tha se Becchetti zgjodhi kundërshtarin e gabuar dhe nuk mori asnjë kokërr leku.

“Becchetti nuk ka marrë asnjë lekë, asnjë kokërr leku, zero. Është në siklet të madh, në procese gjyqësore, penale. Është në siklete të mëdha, ka zgjedhur kundërshtarin më të gabuar, ai që ishte mësuar të bënte hajgare me shtetet dhe paratë e bankave, kompanive. Vajti, zgjodhi kundërshtarin më të gabuar dhe nuk ka marrë asnjë kokërr leku, deri tani, zero. Prit se nuk ke parë gjë akoma, as ti, as ai”, tha Rama.

LEXONI GJITHASHTU:

• Rama: Nuk paguajmë për Becchettin, Berisha: Na dënon akoma më shumë
• “Familje mashtruesish” – Çoçoli tregon krimet e familjes Becchetti
• “Takimi im me djalin e Trump!” Rama: Familja e presidentit e përgënjeshtroi “bufin”
• Kontrata e PD, Rama: Pse duhen 6 mln dollarë kur “non grata” ishte komplot nga Soros