Rama: Nuk paguajmë për Becchettin, Berisha: Na dënon akoma më shumë

Qeveria po shqyrton mundësinë e daljes nga juridiksioni i Gjykatës së Arbitrazhit. Kryeministri Rama tha sot se vendi nuk do të paguajë faturën e vendimit për biznesmenin Francesko Becchetti.

Rama tha se beteja me biznesmenin do të vazhdojë dhe se Shqipëria nuk do të paguajë asnjë kriminel që sipas tij ka arritur influencojë edhe në Gjykatën e Arbitrazhit.

“Një kriminel i gjykuar dhe i dënuar me 17 vite burg për mashtrim të shtetit shqiptar, arrijnë që të çajë rrugën në një gjykatë me të cilën në do të hapim probleme të mëdha duke filluar nga java e ardhshme nga e cila madje po analizojmë edhe mundësinë e daljes fare nga juridiksioni pasi është skandaloze ajo që ka ndodhur”.

Deklaratë të cilën kryedemorkati Berisha e cilësoi si një gjobë akoma edhe më të madhe për Shqipërinë, pasi sipas tij njohja e kësaj gjykate është e detyrueshme për të gjitha vendet anëtare Bankës Botërore dhe OKB-së.

Beteja ligjore e qeverisë shqiptare me biznesmenin Francesco Becchetti ka nisur që në 2015-tën për shkak të mbylljes së televizionit Agon Channel.

LEXONI GJITHASHTU:

• Meta shkon në selinë blu, takim me Sali Berishën
• Rama tregon si do e nxisin sektorin privat për të rritur pagat mesatare