Gjendet i vetëm në rrugë fëmija në Tiranë, policia thirrja familjarëve ta marrin

Një fëmijë i vogël rreth 4 vjeç është gjetur i vetëm pasditen e sotme nga policia e Tiranës.

Përmes një njoftimi për mediat policia bën me dije se, tek bulevardi “Dëshmorët e Kombit” është gjetur nga qytetarët i vetëm në rrugë një fëmijë i mitur rreth moshës 3-4 vjeç, i cili është në gjendje të mirë shëndetësore.

Ai mban të veshur një palë xhinse ngjyrë blu dhe një bluzë me kapuç ngjyrë blu.

“Aktualisht fëmija gjendet në ambientet e Drejtorisë Vendore të Policisë Tiranë. Familjarë të tij ose çdo person tjetër që ka kontakte me ta mund të telefonojë në 112 ose mund të paraqitet pranë Drejtorisë Vendore të Policisë Tiranë”, apelon policia.