Trump nominon Mike Waltz si ambasador të SHBA-ve në OKB

Presidenti Trump ka njoftuar se Mike Waltz nuk do të jetë më këshilltari i tij për sigurinë kombëtare dhe do të nominohet për të shërbyer si ambasador i SHBA-së në Kombet e Bashkuara.

Deklarata e plotë e Donald Trump:

“Kam kënaqësinë të njoftoj se do ta nominoj Mike Waltz për të qenë Ambasadori i ardhshëm i Shteteve të Bashkuara në Kombet e Bashkuara. Që nga koha e tij në uniformë në fushën e betejës, në Kongres dhe, si Këshilltar im i Sigurisë Kombëtare, Mike Waltz ka punuar shumë për të vënë interesat e kombit tonë në vend të parë.

E di që ai do të bëjë të njëjtën gjë në rolin e tij të ri. Ndërkohë, Sekretari i Shtetit Marco Rubio do të shërbejë si Këshilltar i Sigurisë Kombëtare, ndërsa do të vazhdojë udhëheqjen e tij të fortë në Departamentin e Shtetit.

Së bashku, ne do të vazhdojmë të luftojmë pa u lodhur për ta bërë Amerikën dhe Botën PËRSËRI TË SIGURTË. Faleminderit për vëmendjen tuaj ndaj kësaj çështjeje!”

Mike Waltz, i cili kreu funksionon e këshilltarit të sigurisë në 100 ditët e para të amdinistratës Trump, ishte në pozicion të pasigurt pasi u zbulua se ai kishte shtuar aksidentalisht një gazetar nga revista The Atlantic në një grup mesazhesh në Signal ku diskutoheshin planet për sulme ushtarake ndaj rebelëve Houthi në Jemen. Waltz mori “përgjegjësinë e plotë” për rrjedhjen e sinjalit. Megjithatë kundërshtarët politik të Trump janë shprehur se do të vijojnë hetimet lidhur me këtë çështje.

LEXONI GJITHASHTU:

• Waltz: SHBA do t’i kërkojë Rusisë të kthejë fëmijët e rrëmbyer në Ukrainë 
• “Ndëshkim kolektiv mizor”, Zyrtari i OKB i kërkon Izraelit të lejojë ndihmat në Gaza