U ekstradua 2 ditë më parë nga Gjermania, GJKKO jep masën e sigurisë për 21-vjeçarin

Gjykata e Posaçme vendosi të konfirmojë masën e sigurisë “arrest në shtëpi” për Daniel Lalajn, 21 vjeçarin e ekstraduar dy ditë më parë nga Gjermania. Lalaj akuzohet nga SPAK për “kultivim të narkotikëve”, “grup të strukturuar kriminal” dhe “kryerje të veprave nga organizata kriminale”.

21-vjeçari u ndalua në shkurt të këtij viti në Gjermani pas bashkëpunimit të Interpol Tirana me partnerët ndërkombëtarë.

Ky shtetas ishte shpallur në kërkim pasi GjKKO-ja, në vitin 2021, i kishte caktuar masën e sigurisë “Arrest në burg” për veprën penale “Prodhimi dhe shitja e narkotikëve”, kryer në kuadër të një grupi të strukturuar kriminal.