Të rinjtë u qëlluan me armë pas sherrit, detajet e ngjarjes me 5 të plagosur në Laç

Pesë persona kanë mbetur të plagosur pranë ish-Gjykatës së Kurbinit, nga një breshëri arme që është derdhur drejt 4 të rinjve.

Ngjarja raportohet të ketë ndodhur pas një sherri mes një grupi të rinjsh në Laç ndërsa plumbat kanë kapur edhe një grua të pafajshme, e cila po shiste në trotuar.

Nga burime thuhet se të shtënat kanë ardhur pas një sherri dhe autori ka qëlluar me armë automatike drejt një makinës ku ndodheshin 4 të rinj.

I dyshuari është larguar menjëherë nga vendi i ngjarjes, ndërsa burime thonë se policia ka arritur ta identifikojë atë dhe po punon për kapjen e tij.

Të plagosurit janë identifikuar si Amarildo Ndoj, Liridon Ismaili, Daniel Gjeloshi, Geri Bitri dhe Angjelina Gjezaj.

Pesë të plagosurit janë dërguar në Spitalin e Traumës në Tiranë, ku po marrin mjekimin e nevojshëm.

Mësohet se dy prej tyre, Amarildo Ndoj dhe Geri Bitri, ndodhen në gjendje të rëndë shëndetësore.

Njoftimi i policisë

“Rreth orës 13.30, pranë ish-Gjykatës së Kurbinit, dyshohet se si pasojë e një konflikti të çastit midis disa personave, kanë mbetur të plagosur me armë zjarri shtetasit L. I.,  A. Gj., G. N., A. N, dhe D.Gj,  të cilët janë dërguar menjëherë për ndihmë mjekësore më të specializuar në spitalin e Traumës në Tiranë.

Me marrjen e njoftimit, shërbimet e Policisë kanë shkuar menjëherë në vendin ngjarjes, ku kanë bërë të mundur shoqërimin e disa personave dhe në ndihmë të Policisë Vendore kanë shkuar dhe Forcat Kombëtare të Sigurisë Njësia Shkodër.

Grupi hetimor nën drejtimin e Prokurorisë po punon për sqarimin e plote të rrethanave të ngjarjes dhe dokumentimin ligjor të saj, si dhe për kapjen e shtetasit që qëlloi me armë gjatë konfliktit të çastit, i cili është identifikuar nga ana jonë dhe vijon puna për kapjen e tij”, thuhet në njoftimin e policisë”, thuhet në njoftimin e policisë.

LEXONI GJITHASHTU:

• Mes tyre një grua, dalin emrat e 5 të plagosurve në Laç/ Policia njoftimin zyrtar
• Të shtëna me armë zjarri në Laç, raportohet për disa të plagosur