Babai vret vajzën 15-vjeçare në Prizren

Një vrasje e rëndë dyshohet se ka ndodhur mëngjesin e sotëm në Prizren. Dyshohet se babai ka goditur me thike njërën nga vajzat e tij, e me pas ka sulmuar me thikë gruan dhe vajzën tjetër.

Lajmin e ka konfirmuar zëdhënësi i policisë për rajonin e Prizrenit, Shaqir Bytyçi.

“Rreth orës 06:00 kemi pranuar informatë se një person është me thikë në dorë në rrugën “Shotë Galica”. Policia ka dal në vendin e ngjarjes, ku ka parë tre persona të lënduar, dhe njëra nga të lënduarat ka ndërruar jetë”, tha ai.

Bytyçi tha dyshohet se burri ka therur me thikë gruan e tij, dhe dy vajzat.

“Dyshohet se babai ka lënduar me thikë dy vajzat e tij, një 15 vjeçare e cila ka ndërruar jetë në vendngjarje dhe 10 vjeçare e cila ndodhet në QKUK në gjendje të rendë. I dyshuari tashmë është arrestuar”, tha Bytyçi.

Zëdhënësi i Policisë tha gjithashtu se i dyshuari dhe viktimat kanë shtetësi turke.

LEXONI GJITHASHTU:

• Qytetari gris Kuranin në Prizren, avokati: S’ka ndodhur kurrë më parë në trojet tona
• Dështon seanca e tetë e Kuvendit të Kosovës, Haxhiu vazhdon të refuzohet si Kryetare