Rama në Kavajë: Shqiptarët e dinë që jemi në drejtimin e duhur, ekonomia do jetë…

Kryesocialisti Edi Rama po zhvillon këtë të premte një takim me qytetarë të Kavajës. Mes shumë çështjesh për tu diskutuar, ai bëri thirrje se pavarësisht bindjeve politike, qytetarët ti bashkohen Partisë Socialiste me qëllim anëtarësimin e Shqipërisë në Bashkimin Evropian.

“Sot nuk ka në Kavajë një vend, një ndryshim që e bën këtë qytet më tërheqës dhe mesdhetar, europian që nuk ka vulën e mbështetjes time dhe PS për Kavajën. Po shifja këtu që pllakat janë zëvendësuar me beton. Nuk jemi ne këta. Nuk i bëjmë ne këto. Jemi këtu për të folur për 11 majin dhe zgjedhje kombëtare.

Ky është një moment jashtëzakonisht i rëndësishëm. Është e domosdoshme të bëjmë të gjitha përpjekjet që çdo shqiptar, çdokush që ka të drejtën e votës edhe pse akoma mund të jetë krejt në anën tjetër, të bindet që në 11 maj duhet të na bashkohet”, tha Rama.

Kryeministri theksoi se tanimë shumica e shqiptarëve e dinë shumë mirë që vendi po shkon në drejtimin e duhur, ekonomia po përmirësohet vijimësisht dhe do të jetë më mirë në vitet në vijim.

“E dinë shumë mirë që e gjitha kjo ka ardhur nga mbështetja për PS-në dhe të gjitha ato që presim dhe duam do të vijnë duke u mbështetur te njeri-tjetri, në PS”, shtoi Rama.

LEXONI GJITHASHTU:

• 620-vjetori i lindjes së Skënderbeut, historiani Xhufi: Roli i tij te ndërkombëtarët
• Historia e familjes në Maliq, sakrifica e babait që i çon fëmijët në shkollë me kalë