Samiti Europian: Rama darkë informale me krerët e BE-së dhe liderët e rajonit

Në prag të Samitit të Komunitetit Politik Europian, që do të mbahet në Tiranë, mbrëmjen e kësaj të enjteje pritet të zhvillohet një darkë informale mes liderëve të lartë europianë dhe atyre të rajonit.

Në këtë darkë do të marrin pjesë Kryeministri Edi Rama, Presidenti i Këshillit Europian António Costa, Presidentja e Komisionit Europian Ursula von der Leyen, si dhe liderë të vendeve të Ballkanit Perëndimor.

Në kuadër të këtyre takimeve, Kryeministri Rama do të zhvillojë një takim dypalësh me homologun e tij britanik. Gjatë këtij takimi pritet të nënshkruhen dy marrëveshje të rëndësishme:

Ministri i Mbrojtjes, Pirro Vengu, do të firmosë një marrëveshje mbi bashkëpunimin industrial dhe eksportet në fushën e mbrojtjes.

Ministri për Evropën dhe Punët e Jashtme, Igli Hasani, do të firmosë një marrëveshje mbi prioritetet e përbashkëta strategjike ndërmjet Shqipërisë dhe Mbretërisë së Bashkuar.

Ndërkohë, gjatë punimeve të Samitit nesër, pritet të nënshkruhet edhe një marrëveshje mes Shqipërisë dhe Italisë në fushën e shëndetësisë, e cila synon forcimin e bashkëpunimit dypalësh në sektorin shëndetësor.

LEXONI GJITHASHTU:

• Starmer nis vizitën në Tiranë, e para e një kryeministri britanik në vendin tonë
• Samiti| 47 liderë të Europës vijnë në Tiranë, kur mbërrijnë delegacionet?