Samiti i Tiranës, zbardhet agjenda e takimit të 6 të Komunitetit Politik Evropian

Shqipëria pret nesër Samitin e gjashtë të Komunitetit Politik Evropian (KPE) në Tiranë, ku mblidhen 47 krerë shtetesh dhe qeverish, së bashku me drejtuesit e institucioneve kryesore evropiane dhe ndërkombëtare.

Kjo do të jetë hera e parë që KPE mblidhet në Ballkanin Perëndimor, një moment me rëndësi historike si për Shqipërinë, ashtu edhe për rajonin në tërësi.

Agjenda e samitit parashikon që diskutimet do të zhvillohen nëpërmjet tre tryezave të nivelit të lartë me tematika specifike: Siguria dhe qëndrueshmëria demokratike e Evropës, rritja e konkurrueshmërisë dhe sigurisë ekonomike si dhe Migracioni, mobiliteti dhe fuqizimi i të rinjve.

Pas mbërritjes zyrtare dhe ceremonisë së hapjes, në orën 11:30 është parashikuar fotoja familjare me të gjithë liderët, ndërsa në 11:45 do të nisë seanca e parë plenare. Në orën 13:00 është dreka zyrtare dhe pas saj në 14:30 është planifikuar tryeza tematike. Pas saj është parashikuar një kohë prej 90 minutash si periudhë që nga liderët mund të shfrytëzohet për takime dypalshe. Seanca mbyllëse dhe konferenca e përbashkët e kryeministrave të Shqipërisë dhe Danimarkës si vendi radhës pritës i samitit.

Në Tiranë duke nisur nga kjo e enjte do të jenë të pranishëm krerët e shteteve më të rëndësishme europiane, kryeministri britanik dhe presidenti turk, Erdogan.

LEXONI GJITHASHTU:

• Costa për Shqipërinë: Jeni në rrugën e duhur drejt BE, tani është koha për veprim
• Rama pret Presidentin e KiE: Synimi, mbyllja e negociatave me BE deri në vitin 2027