Ministri i Jashtëm kinez: Pekini respekton sovranitetin e Danimarkës në Grenlandë

19 Maj 2025 | 19:01

Ministri i Jashtëm kinez Wang Yi, në një takim me homologun e tij danez Lars Loke Rasmussen sot në Pekin, deklaroi se Kina respekton plotësisht sovranitetin dhe integritetin territorial të Danimarkës kur bëhet fjalë për Groenlandën dhe i bëri thirrje atij vendi të ketë një qëndrim reciprok ndaj sovranitetit kinez.

Presidenti i SHBA-së, Donald Trump, ka këmbëngulur në muajt e fundit që SHBA-të duhet të marrin kontrollin e Groenlandës, një territor gjysmë-autonom danez që ka rëndësi strategjike, raportoi Reuters.

Ministria e Jashtme kineze njoftoi se Wang tha se shpreson që Danimarka të vazhdojë të mbështesë qëndrimin legjitim të Kinës kur bëhet fjalë për çështjet që kanë të bëjnë me sovranitetin dhe integritetin territorial të Kinës.

Takimi midis dy palëve erdhi pasi Pekini kritikoi Danimarkën për pritjen e ish-presidentes tajvaneze Tsai Ing-wen javën e kaluar, e cila u takua me ligjvënës danezë dhe mbajti një fjalim në një samit për demokracinë në Kopenhagen.

Kina e pretendon Tajvanin si territor të saj, ndërsa qeveria tajvaneze hedh poshtë pretendimet territoriale të Pekinit, kujtoi Reuters.

Sipas agjencisë, marrëdhëniet midis Kinës dhe Danimarkës arritën pikën më të ulët në vitin 2009, kur Dalai Lama vizitoi Kopenhagenin.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Zelensky do të udhëtojë drejt SHBA-së, zbulon se do të takohet me presidentin Trump në Uashington

Presidenti Volodymyr Zelensky do të udhëtojë për në Shtetet e Bashkuara javën e ardhshme dhe do të takohet me Donald Trump , siç zbuloi ai...
11:59 | 24/07/2026

Një muaj pas tërmeteve vdekjeprurëse, venezuelianët ende kërkojnë të dashurit e tyre nën rrënoja

Më shumë se 5,300 njerëz janë konfirmuar të kenë vdekur nga tërmetet dhe më shumë se 16,500 të tjerë janë plagosur, sipas një numri të...
10:17 | 24/07/2026

Tentohet të vidhet një bankë në Gjermani, vritet një punonjës gjatë pengmarrjes. Arrestohet 20-vjeçari autor i krimit

Një burrë ka vdekur në një incident pengmarrjeje në një degë banke në Regensburg, Bavari, në Gjermaninë jugore. Policia ka arrestuar autorin e dyshuar pas...
10:03 | 24/07/2026