Angjelin Preljocaj zyrtarisht anëtar i akademisë së arteve të bukura të Francës

Koreografi dhe artisti francez i njohur ndërkombëtarisht, me origjinë shqiptare, Angjelin Preljocaj, është pranuar zyrtarisht si anëtar i Akademisë së Arteve të Bukura të Francës.

Lajmin e ka bërë të ditur ambasada shqiptare në Francë.

“Një ditë e jashtëzakonshme për botërisht të famshmin koreograf dhe artist francez me origjinë shqiptare, Angjelin Preljocaj, i cili do të pranohet zyrtarisht si anëtar i Akademisë së Arteve të Bukura të Francës. Ky është gjithashtu një moment i madh krenarie edhe për Shqipërinë dhe për kulturën shqiptare”, – thuhet në njoftim.

Angelin Preljocaj është një nga koreografët më të shquar të baletit bashkëkohor, i njohur për krijimet e tij inovative që ndërthurin elemente të baletit klasik me teknologjinë moderne dhe bashkëpunimet ndërdisiplinore.

Përveç karrierës së tij ndërkombëtare, Preljocaj ka një lidhje të veçantë me Shqipërinë.

Ai është angazhuar si Drejtor Artistik i Festivalit Ndërkombëtar të Kërcimit të Tiranës, duke kontribuar në zhvillimin e artit të kërcimit në vendin tonë.

LEXONI GJITHASHTU:

• Poetja franceze në Tiranë, aktivitet mbi kulturën, misticizmin dhe religjionin
• Maja e PIRAMIDËS së inovacionit e kulturës në Tiranë