Kosova raporton një humbje jete nga Covid-19, rritet numri i të shëruarve

Numri i të shëruarve në Kosovë vijon të jetë më i lartë në krahasim me numrin e të infektuarve duke konfirmuar edhe njëherë faktin se situata epidemiologjike është e qëndrueshme.

Instituti i Shëndetit publik thekson se në 24 orë të fundit një qytetar ka ndërruar jetë, ndërsa 153 persona të tjerë janë konfirmuar pozitivë.

Nga fillimi i epidemisë në Kosova kanë humbur jetën 2203 persona, shumica e të cilëve me sëmundje të tjera shoqëruese.

“Numri total i rasteve pozitive është 106.345 raste nga 552.070 persona të dyshimtë në virusin SARS-CoV-2 dhe 2.203 raste të vdekjes. Gjatë 24 orëve të fundit, janë shëruar 327 pacientë derisa numri i përgjithshëm i të shëruarve deri më sot është gjithsej 97.384 raste, kurse numri i rasteve aktive është 6.758”, shkruan IKSHP-ja.

Rastet pozitive janë nga komunat:

Prishtinë 29 raste, Ferizaj 16 raste, Podujevë 16 raste, Gjakovë 15 raste, Mitrovicë 12 raste, Prizren 10 raste, Gjilan 6 raste, Skenderaj 6 raste, Pejë 5 raste, Vushtrri 5 raste, Drenas 4 raste, Istog 4 raste, Lipjan 4 raste, Obiliq 4 raste, Suharekë 3 raste, Viti 3 raste, Fushë-Kosovë 2 raste, Klinë 2 raste, Malishevë 2 raste, Rahovec 2 raste dhe me nga një rast komunat: Kaçanik, Mamushë dhe Novobërdë.

Autoritete shëndetësore kërkojnë nga qytetarët të tregojnë vigjilencë dhe të respektojnë siç duhet masat anti-Covid.