Aksidenti në Liverpul, reagon kryeministri britanik për 50 të plagosurit

Kryeministri britanik Keir Starmer, ka shprehur mbështetjen e tij ndaj pothuajse 50 personave të cilët u plagosën kur një makinë u përplas me turmën e njerëzve në një paradë autobusësh që festonte fitoren e titullit të Premier League nga Liverpool FC.

“Skena gëzimi u shndërruan në tmerr dhe shkatërrim të plotë, dhe mendimet e mia dhe të të gjithë vendit janë me të gjithë ata që janë prekur, të plagosurit, që sigurisht përfshijnë fëmijë, familjet e tyre, miqtë e tyre, të gjithë komunitetin, tifozët e Liverpoolit kudo.

I gjithë vendi qëndron me Liverpoolin. Dua të falënderoj ndihmësit e parë që bënë një punë fantastike mbrëmë dhe vazhdojnë ta bëjnë këtë. Tani ka një hetim që po vazhdon. Po mbahem i përditësuar, duke folur shpesh me kryetarin e bashkisë Steve Rotheram. Por siç e thashë, mendimet e mia dhe mendimet e të gjithë vendit do të jenë me të gjithë në Liverpool sot”, tha Starmer.

Më tej ai vijon të theksojë se sa i përket hetimeve duhen lënë në dorë të institucioneve përkatëse.

“Kjo është një çështje për policinë dhe hetimi është duke vazhduar, kështu që mendoj se duhet t’ua lëmë atyre.”

LEXONI GJITHASHTU:

• 50 persona të plagosur pasi makina përplasi turmën në Liverpul, arrestohet shoferi
• Iu fut në banesë dhe tentoi të rrëmbejë 18-vjeçaren, arrestohet i riu në Elbasan