‘Shtrëngim’ për zyrat e këmbimit valutor, nuk do lejohen veprime cash mbi 1 mln lekë

Në zyrat e këmbimit nuk do të lejohen të kryhen transaksione në para fizike, të cilat tejkalojnë shumën 1 milion lekë, të kryer në një këmbim të vetëm ose në disa transaksione të lidhur me njëri-tjetrin.

Rregulli është vendosur nga Banka Qendrore dhe ka qëllim kontrollin dhe luftën ndaj parasë së pajistifikuar, dhe njerëzit apo bizneset që duan të shkëmbejnë shuma përtej 1 mln lekëve, ose kundërvlerën në monedha të tjera të huaja, duhet t’i deklarojnë nëpërmjet llogarive bankare ose llogarive të pagesave.

Projektrregullorja prek edhe individët që duan të marrin licenca për këmbim valutor, të cilët  duhet të kenë kapital mbi 5 mln lekë, nga 2.5 milionë që kërkohet sot.

Projektrregullorja parashikon që çdo pagesë e kapitalit fillestar minimal, çdo shtesë e mëvonshme e tij si dhe çdo ndryshim në strukturën e kapitalit shoqërohet me paraqitjen në Bankën e Shqipërisë të informacionit lidhur me burimin e krijimit të këtij kapitali.

Banka e Shqipërisë ka të drejtë të kërkojë sqarime dhe të bëjë verifikime të mëtejshme lidhur me burimet e krijimit të fondeve që do të shërbejnë si kapital fillestar minimal ose si shtesë e mëvonshme e tij.

LEXONI GJITHASHTU:

• Këmbimi valutor: Euro në nivele të ulëta, me sa shiten e blihen monedhat e tjera
• Këmbimi valutor: Euro pëson një rritje të lehtë, bie dollari