“Çmenden” tifozët zikaltër, mbi 40 mijë do të udhëtojnë drejt Mynihut për finalen

Interi vijon përgatitjet për finalen e madhe, padyshim atë më të rëndësishmen e këtij sezoni, Uefa Champions League. Një entuziazëm te skuadra e Simone Inzaghit, por dhe te tifozët të cilët bëhen gati për të udhëtuar drejt Mynihut. Një 90 minutësh që nuk duhet humbur e për këtë, më tepër se 40 mijë tifozë janë gati për të udhëtuar drejt Gjermanisë e mbështesin skaudrën e tyre. Këtu llogariten vetëm ata nga Milano apo medhe më gjerë brenda Italisë, pa llogaritur tifozërinë nga përtej kufijve.

Sipas mediave italiane janë më tepër se 40 mijë interistë që do të shkojnë në Gjermani, por 45% e tyre kanë mundur të blejnë një biletë, pjesa tjetër do të qëndrojnë jashtë stadiumit Allianz Arena, e do të brohorasin ekipin zikaltër. Në bazë të ndarjes së bërë nga Uefa, 18 mijë bileta ka marrë secila tifozëri, ndërsa 30 mijë janë shitur në fazqen zyrtare të qeverisë evropiane të futbollit.

Mes këtyre të fundit nuk përjashtohen po ashtu tifozë të Interit, kështu që pritet të pushtojnë Allianz Arenën, ashtu si interes të lartë ka pasur dhe nga parizienët. Pavarësisht se nuk kanë histori në kompeticionet evropiane, PSG-së nuk i ka munguar kurrë mbështetja e tifozëve, të cilët kanë qenë të shumtë si në Paris ashtu dhe transfertë.

LEXONI GJITHASHTU:

• Zyrtare, Milan njofton emërimin e Igli Tares si Drejtor Sportiv
• Igli Tare shkon te Milani, zbulohen detaje nga kontrata: Sa do të jetë paga vjetore