Kapriçot e motit dëmtuan prodhimin, rritet çmimi i qershive në tregun vendas

Ngricat e muajit prill në fushën e Korçës dëmtuan rëndë prodhimin e kumbullës, mollës dhe të qershisë, ku prodhimi i kësaj të fundit nuk ka arritur as 40% të vitit të kaluar.

Ferdinand Ali, një nga fermerët superpotencialë të fshatit Dvoran pranon se dëmet në këtë kulturë janë të konsiderueshme.

“Nuk diskutohet që këtë vit prodhimi i qershisë ka qenë dificitar per shkak të faktorëve të ulët të temperaturave që nuk ishte parë në historinë e frutikulturës. Shumica e prodhimit të qershive është i mangët. Zona më e dëmtuar është Polena, Dersniku, Dvorani, fusha e Korçës. Tregtarët abuzojnë sepse janë ata që kontrollojnë tregun”, thotë ai.

Fermerët që merren me prodhimin e qershisë tregojnë se për shkak të prodhimit të ulët, çmimi këtë vit është i lartë ndërsa pranojnë se ka abuzim edhe nga tregtarët

“Po sot nga 4 ka shkuar 3.5. Ka qenë 5. Sivjet të luten, i pakët. Vjet i luteshim ne, sivjet na lusin ata”, shprehet një fermer.

Një kg qershi së fundmi kushton 350-400 lekë ndërsa para një jave kushtonte 600 lekë.

LEXONI GJITHASHTU:

• Qershitë mbeten në pemë, mungojnë punëtorët në Mallakastër
• Breshëri dëmton të mbjellat në fshatrat e Elbasanit, fermerët kërkojnë ndihmë