“Ky grup ka forcën e duhur”- Balaj motivon kuqezinjtë: Me gjakftohtësi do ia dalin

Kombëtarja shqiptare vijon përgatitjet në Tiranë në prag të ndeshjes me Serbinë, ndërsa nuk kanë munguar as motivimet për kuqezinjtë. Një prej tyre është sulmuesi shkodran Bekim Balaj, i cili deri pak kohë më parë ishte pjesë e përfaqësueses. Për Balajn, ky ekip i ka të gjitha mundësitë për të marrë rezultat pozitiv.

“Ndeshje madhore për objketivat, Serbia kundërshtari direkt për kualifikim drejt botëror, ky grup ka forcën. Duke nisur nga ndeshja në Tiranë, djemtë duhet të ruajnë qetësinë, gjakftohtë, ngarkesa emocionale është e madhe. Shpresoj të japin më të mirën në fushë dhe marrim një fitore që do vletne shumë”, tha Balaj.

Në 2014ën ishte pjesë e ekipit i cili luajti në Beograd, ku fusha u kthye në arenë boksi.

“Është ndeshje që gdhendet në memorje, për rrethanat që ishim asokohe dhamë maksimumin, edhe pse pak në numër, nuk na mungoi asgjë të ruajmë simbolet tona”, përfundoi ish-futbollisti.

Bekim Balaj ka përfaqësuar ekipin kuqezi për një dekadë ku numëron afro 50 paraqitje.

LEXONI GJITHASHTU:

• Media serbe ndan pamje nga skemat e Silvinjos: Spiunuam shqiptarët në mes të Tiranës
• Kualifikueset e Kupës së Botës, Hysaj e Laçi analizojnë Serbinë: Luajmë për kombin