Kurban Bajrami, Kryepeshkopi Joan vizitë në Komunitetin Mysliman dhe Bektashinj

Kryepeshkopi i Tiranës, Durrësit dhe i Gjithë Shqipërisë, Fortlumturia e Tij, Joani, zhvilloi këtë të premte vizita urimi në selinë e Komunitetit Mysliman të Shqipërisë dhe në Kryegjyshatën Botërore Bektashiane, me rastin e festës së Kurban Bajramit.

Fortlumturia e Tij u prit fillimisht nga kryetari i Komunitetit Mysliman, z. Bujar Spahiu, dhe më pas nga Kryegjyshi Botëror i Bektashinjve, Haxhi Dede Edmond Brahimaj.

Gjatë urimit të tij, Kryepeshkopi Joan theksoi rëndësinë e bashkëjetesës dhe harmonisë ndërfetare në Shqipëri.

“Jemi si gjithnjë bashkë, si në gëzime ashtu edhe në të gjitha vështirësitë. Harmonia fetare është një thesar shumë i madh për vendin tonë, të cilin duhet ta ruajmë gjithmonë, për të dëshmuar se është e mundur të jetojmë së bashku, edhe kur kemi besime të ndryshme”, u shpreh ai.

LEXONI GJITHASHTU:

• Osmani uron Kurban Bajramin, bën thirrje për forcimin e lidhjeve
• Spiropali uron për Kurban Bajramin: Sakrificë dhe solidaritet, të ndajmë të mirën