Vrasja e 27-vjeçarit në Tiranë, në vendngjarje gjendet makineria për prodhimin e kriptovalutave

Vrasja e dyshuar aksidentale e 27-vjeçarit Mehmet Qema mbrëmjen e djeshme në kryeqytet do të hetohet edhe nga agjentë të krimit ekonomiko-financiar.

Burime nga policia bëjnë me dije se në një banesë pranë vendngjarjes ku ndodhi vrasja e 27-vjeçarit policia ka gjetur dhe sekuestruar edhe një makineri për prodhimin e kriptovalutave.

Ngjarja e rëndë u shënua rreth orës 23:15 të mbrëmjes së djeshme në rrugën ‘5 Maji’ në kryeqytet, ndërkohë që është vënë në pranga autori i dyshuar, Marius Dema.

Euronews Albania siguroi pamje nga ngjarja e rëndë, ku shfaqen momentet pak minuta para se 28-vjeçari Marius Dema të qëllonte me armë zjarri në drejtim të 27-vjeçarit. I riu shfaqet me pistoletë në dorë.

Dyshohet se ngjarja ka ndodhur aksidentalisht, pasi të rinjtë, përfshirë këtu edhe Marius Demën shfaqen të qetë dhe nuk ka pasur debat mes tyre.