Prokurori i Kalifornisë padit Trumpin për federalizimin të Gardës Kombëtare të SHBA

Prokurori i Përgjithshëm i Kalifornisë, Rob Bonta, dhe Guvernatori Gavin Newsom kanë paditur Presidentin e SHBA-së, Donald Trump.

Ata kundërshtojnë urdhrin e Trump për federalizimin e Gardës Kombëtare dhe dislokimin e saj në qytetin e Los Angeles, si përgjigje ndaj protestave të ndezura nga bastisjet e administratës kundër shërbimeve të Imigracionit dhe Doganave (ICE).

Prokurori i Përgjithshëm Rob Bonta u shpreh se federalizimi i Gardës Kombëtare është një “abuzim i pastër me autoritetin presidencial”.

“Le të jem i qartë: Nuk ka pushtim. Nuk ka rebelim. Presidenti po përpiqet të prodhojë kaos dhe krizë në terren për qëllimet e tij politike. Federalizimi i Gardës Kombëtare të Kalifornisë është një abuzim i autoritetit të Presidentit sipas ligjit – dhe jo një që ne e marrim lehtë. Ne po i kërkojmë gjykatës të ndalojë urdhrin e paligjshëm dhe të pashembullt.”

Sipas padisë, urdhri i firmosur nga Trump autorizon thirrjen e 2,000 trupave të Gardës Kombëtare në shërbim federal për një periudhë prej 60 ditësh, pa pëlqimin e guvernatorit – një veprim që, sipas autoriteteve të Kalifornisë, përbën shkelje të rëndë të Kushtetutës së Shteteve të Bashkuara, përkatësisht të Amendamentit të Dhjetë, si dhe një tejkalim të kompetencave të presidentit.

Ndërsa Guvernatori i Kalifornisë e cilësoi këtë lëvizje si një “krizë të fabrikuar”, me qëllim marrjen nën kontroll të milicisë shtetërore:

“Ai po krijon frikë dhe terror për të marrë përsipër një milici shtetërore dhe për të shkelur Kushtetutën e SHBA-së. Urdhri i paligjshëm që ai nënshkroi mund t’i lejojë atij të dërgojë ushtrinë në çdo shtet që ai dëshiron. Çdo guvernator – i kuq apo blu – duhet ta refuzojë këtë tejkalim të egër”, shkroi ai në një postim në platformën X.

Më tej, Newsom theksoi se:

“Ka shumë hiperbolë atje. Nuk është kjo. Ky është një hap i padyshimtë drejt autoritarizmit që kërcënon themelet e republikës sonë. Nuk mund ta lëmë të qëndrojë.”

“Presidenti po përpiqet të prodhojë kaos për përfitime politike”

“Kjo është përtej paaftësisë – ky është ai që shkakton qëllimisht kaos, terrorizon komunitetet dhe rrezikon parimet e demokracisë sonë të madhe,” përfundoi Newsom.

Tensionet mes administratës Trump dhe udhëheqësve demokratë të Kalifornisë janë rritur ndjeshëm në fundjavën e fundit, ndërsa forcat e Gardës Kombëtare u vendosën në rrugët e Los Angeles-it, mes protestave të ashpra kundër politikave të imigracionit.

Zyrtarët shtetërorë pohojnë se prania e ushtrisë ka përshkallëzuar situatën dhe ka minuar të drejtën e shteteve për vetëqeverisje.

LEXONI GJITHASHTU:

• Mediat ndërkombëtare: Qendra e Los Angeles-it skenë kaosi dhe paligjshmërie
• Guvernatori i Kalifornisë padit Trump për nxjerrjen e Gardës Kombëtare në rrugë