Kurbin, kapet 23-vjeçarja për vjedhje me dhunë, në kërkim bashkëpunëtori i saj

Policia e Kurbinit ka finalizuar me sukses operacionin policor të koduar “Couple”, me qëllim zbardhjen e dy rasteve të vjedhjes me dhunë të ndodhura në muajin maj.

Në kuadër të këtij operacioni policor u vu pranga një prej autorëve të dyshuar të këtyre rasteve, konkretisht shtetasja F. K., 23 vjeçe, banuese në Krujë.

“Nga këto veprime dyshohet se 23-vjeçarja dhe shtetasi E. N., 29 vjeç, banues në Mamurras (i shpallur në kërkim), më datë 30.05.2025, në fshatin Fushë Mamurras, i kanë vjedhur një shumë parash, drejtuesit të taksisë ku ishte pasagjere shtetasja F. K., duke e kanosur me armë.

Më datë 10.05.2025, dyshohet se 29-vjeçari ka hyrë i maskuar në ambientet e një karburanti në fshatin Fushë Gjormë, ka kanosur punonjësin dhe në bashkëpunim me shtetasen e ndaluar, i kanë vjedhur xhiron ditore. Vijon puna për kapjen e shtetasit E. N”, bëri me dije policia.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Vjedhja me dhunë” dhe “Vjedhja”, të kryera në bashkëpunim.

LEXONI GJITHASHTU:

• PAMJE/ Kreu tre vjedhje brenda javës, arrestohet 33-vjeçari në Vlorë
• Arrestohet autori i disa vjedhjeve në Kavajë, në banesë i gjejnë dhe lëndë narkotike