“Spaçi nuk ishte kamp pushimi”, ish-i burgosuri bën apel për ruajtjen e historisë

13 Qershor 2025 | 18:45

Një ish-i burgosur i Spaçit, Agron Talo ka rrëfyer në një intervistë për “People” kalvarin e vuajtjeve që ka përjetuar në atë që ai e cilëson si “kamp shfarosjeje dhe pune të detyrueshme”.

Ai apeloi që burgu i Spaçit të restaurohet ashtu siç ka qenë, pa u zbukuruar apo idealizuar, në mënyrë që të shërbejë si një muze i vërtetë i kujtesës historike.

“Unë punoja 8 orë në minierë, me turne, duke mbushur vagona me mineral. Aty nuk ishte kamp pushimi, por kamp shfarosje. Nëse nuk e bëje punën, të rrihnin keq, të mbysnin në dru”, thotë ai.

Ai tregoi se kampi po degradohet dita-ditës dhe pjesë të rëndësishme të infrastrukturës po shkatërrohen:

“Po prishet gjithçka. Është shkatërruar edhe kuzhina, që ne e quanim ‘kuzhina private’, vetëm tullat i kishin mbetur”, tha Agron Talo.

Ish-i burgosuri kujton me revoltë edhe sjelljen e oficerëve të kampit, që shpesh i mbanin për orë të tëra në kushte ekstreme:

“Kur ishte ndonjë oficer i keq, na mbante për një orë në shi në tarracë, gjatë apelit. Kur ishte ndonjë më i mirë, e bënte thjesht si procedurë, pa na nxjerrë fare jashtë,” tha ai.

Ai kërkon që Spaçi të kthehet në muze kujtese, jo për të dekoruar të kaluarën, por për ta treguar ashtu siç ishte: një vend vuajtjeje dhe represioni, që nuk duhet harruar.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Zbulohet një kompleks termal romak në Lushnje

Një zbulim i rëndësishëm arkeologjik është bërë në fshatin Zgjanë të Lushnjes, ku specialistët e Institutit Kombëtar të Trashëgimisë Kulturore (IKTK), në bashkëpunim me Departamentin...
10:53 | 04/06/2026

Nga Gjermania në Korçë, turistët mësojnë hapat e valleve shqiptare

Korça po kthehet gjithnjë e më shumë në një destinacionin ku turistët nuk njihen vetëm me historinë, muzeumet dhe kulinarinë, por edhe me traditat që...
10:12 | 02/06/2026

“Qiell i hapur, mendje të hapura, rikthehet DEA Open Air, 40 filma nga 25 vende në garë

Nën moton “Qiell i hapur, mendje të hapura” rikthehet në Tiranë edicioni I 13-të I Festivalit Ndërkombëtar të Filmit “Dea Open Air”. Pjesë e këtij...
17:52 | 01/06/2026