Arabia Saudite bën thirrje për përmbajtje pas sulmeve ajrore të SHBA-së ndaj Iranit

Me anë të një postimi në X, mbretëria e Arabisë Saudite ka bërë thirrje për përmbajtje dhe parandalim të përshkallëzimit të mëtejshëm, ndërsa i ka kërkuar bashkësisë ndërkombëtare të shtojë përpjekjet drejt arritjes së një “zgjidhjeje politike”.

“Mbretëria e Arabisë Saudite po ndjek me shqetësim të thellë zhvillimet në Republikën Islamike të Iranit, veçanërisht shënjestrimin e objekteve bërthamore iraniane nga Shtetet e Bashkuara të Amerikës”, tha Ministria e Jashtme e mbretërisë.

Deklarata theksoi gjithashtu nevojën për të “ushtruar përmbajtje”, për të ulur tensionet dhe për të parandaluar përshkallëzimin e mëtejshëm, duke i kërkuar bashkësisë ndërkombëtare të shtojë përpjekjet drejt arritjes së një “zgjidhjeje politike”.

LEXONI GJITHASHTU:

• SHBA-të ‘shkatërrojnë’ centralet bërthamore të Iranit, Teherani: Tani fillon lufta
• Irani kryen sulme të reja në Izrael