Emrat| Kush përfitoi vota padrejtësisht! Hapet gara Xhaçka-Gjylameti, ulet diferenca

Pas hapjes së mbi 600 kutive të para në procesin e rinumërimit për qarkun e Tiranës, ndarja e mandateve nuk ka pësuar asnjë ndryshim, duke ruajtur ekuilibrin mes partive që dolën fituese në zgjedhjet e fundit parlamentare. Megjithatë, rinumërimi ka zbuluar parregullsi në nivel kandidatësh brenda të njëjtës parti, ku shumë prej tyre rezultojnë të kenë përfituar vota padrejtësisht nga gabimet apo ndërhyrjet e numëruesve.

Në radhët e Partisë Socialiste, rinumërimi ka nxjerrë në dritë kandidatë që kanë përfituar nga dhjetëra vota të paqena.

Dhjetë emrat kryesorë për nga numri i votave të marra padrejtësisht brenda listës së PS-së janë:

• Ervin Hoxha – 256 vota
• Fatmir Xhafaj – 125 vota
• Blendi Gonxhja – 104 vota
• Xhemal Qefalia – 128 vota
• Erion Braçe – 109 vota
• Klotilda Bushka – 92 vota
• Kejsi Elezi – 104 vota
• Anila Denaj – 78 vota
• Toni Gogu – 68 vota

Një garë e fortë po zhvillohet ndërmjet Olta Xhaçkës dhe Blerina Gjylametit, ku pas rinumërimit diferenca është ngushtuar në vetëm 92 vota, nga 140 që ishte fillimisht. Kjo e bën Xhaçkën emrin e vetëm në rrezik për humbje mandati në këtë fazë të rinumërimit.

Edhe në kampin e Partisë Demokratike dhe aleatëve të saj, disa kandidatë kanë rezultuar me shtesa të pajustifikuara votash. Më të spikaturit janë:

• Ilir Alimehmeti – 96 vota
• Jorida Tabaku – 66 vota
• Ilir Metaj – 46 vota
• Myslim Murrizi – 30 vota
• Sali Shehu – 36 vota
• Shpëtim Idrizi – 39 vota
• Petrit Gjorgji – 44 vota
• Kreshnik Çollaku – 42 vota
• Et’hem Aga – 25 vota
• Petrit Doda – 21 vota

Ndërkohë procesi i rinumërimit ka shkuar në gjysmë, pritet me interes nëse do të ketë ndikim në garat e ngushta mes kandidatëve brenda partive, ndonëse ndryshim në shpërndarjen e mandateve nuk është i pritshëm.

LEXONI GJITHASHTU:

• “Nuk kishim si objektiv mandatin e 14”, Kaso: Ja pse e kërkuam rinumërimin e votave
• Votat nga diaspora/ Celibashi tregon problematikat dhe sa zgjedhës ishin nga jashtë