Man City argëtohet me Juventusin, “zonjën” e pret Reali i Madridit

Këtë të premte janë konfirmuar 16 skuadrat të cilat avancojnë në fazën me eliminim direkt në Kupën e Botës për klube. Përballja më interesante e duket ajo mes Juventusit dhe Realit të Madridit.

Manchester City, Juventus, Real Madrid dhe Al Hilal janë skaudrat e fundit që kanë siguruar kalimin më tej në Botërorin e klubeve. Të enjten fitore regjistruan anglezët e Pep Guardiolës, të cilët i dhanë një shuplakë të fortë Juventusit, duke e mposhtur në shifrat 5-2. Një dominim absolut nga the cityzens të cilët dhuruan spektakël që në fraksionin e parë, ndërsa gjetën golin me Doku dhe autogol i Kalulu. Bardhezinjtë shënuan me mesfushorin Koopmeiners.

Në fraksionin e dytë ritmi britanikëve ishte i lartë dhe shënuan me Haaland, Foden dhe një supergol i Savinho, ndërsa Juventus reagoi me Vlahovic, por vetëm për statistikë, pasi ndeshja u mbyll 5-2.

Në të njëjtin grup Al Ain mposhti Wydadin. Faza e grupeve u mbyll me dy duelet e fundit Al Hilal-Pachuca 2-0 dhe Salzburg-Real Madrid 0-3. Golat për galaktikët u shënuan nga Vini Jr, Valverde dhe i riu Garcia. Sfida më interesante e fazës së 1/16 duket Real Madrid-Juventus, por dhe Man City-Al Hilal. Nuk do të mungojë as klasikja braziliane mes Botafogos dhe Palmeirasit. Shorti është treguar i butë për PSG, Bayern e Inter.

LEXONI GJITHASHTU:

• Botërori i klubeve: Eliminohet Atletico Madrid, kualifikohet Inter Miami
• Tare nis “spastrimin” te Milani, 9 lojtarë drejt largimit