Zjarri rrezikoi shtëpitë në fshatin Arshi Lengo, policia shoqëron 1 person

Policia e Gjirokastrës ka shoqëruar një person si shkaktarin e dyshuar të zjarrit në fshatin Arshi Lengo ndërsa flakët rrezikuan shtëpitë e fshatit.

Sipas grupit hetimor policia lokale bëri shoqërimin e shtetasit me inicialet N.K, pronar i sipërfaqes së përfshirë nga zjarri. Dyshohet se zjarri është shkaktuar nga pakujdesia gjatë punimeve të saldimit për profilet e hekurit të ndërtimit të një stalle për bagëtitë.

Paraditen e sotme zjarri përfshiu një sipërfaqe me barëra dhe shkurre në rrethinat e fshatit Arshi Lengo, Gjirokastër duke rrezikuar edhe banesat.

Është dashur ndërhyrja e zjarrfikësve dhe banorëve për lokalizimin dhe vendosjen nën kontroll të flakëve duke evituar rrezikun për shtëpitë e fshatit.

LEXONI GJITHASHTU:

• Zjarr i madh në Kuçovë, rrezikohen banesat dhe puset e naftës
• Situata e zjarreve në vend, Ministria e Mbrojtjes: 9 vatra zjarri në 24 orë