Shkodër: Arrestohet 42-vjeçari, i sekuestrohen armë, municione dhe kokainë

Policia e Shkodrës ka finalizuar operacionin e koduar “Precedenti”, duke arrestuar në flagrancë një 42-vjeçar me precedent penal për armëmbajtje pa leje.

Operacioni u zhvillua në fshatin Kryebushat, pas administrimit të informacioneve operative mbi aktivitetin kriminal të shtetasit me iniciale Gj. M.

Gjatë kontrollit në automjetin e tij u gjetën doza kokaine të gatshme për shitje, ndërsa në banesë u sekuestruan 110 kapsolla detonatore, 2 armë zjarri tip pistoletë, një silenciator dhe municion luftarak.

Në cilësinë e provës materiale u sekuestruan edhe automjeti dhe celulari i të arrestuarit. Hetimet vijojnë për të zbuluar lidhje të mundshme me rrjete të tjera kriminale.

LEXONI GJITHASHTU:

• Tentohet për të 40-tën herë për konstituimin e Kuvendit
• Kush janë të akuzuarit për sulmin në Banjskë që u panë pranë Presidencës serbe