Zbardhet identiteti i shoferit që i iku policisë dhe braktisi Audin Q8 në “Bllok”

Policia ka identifikuar shoferin e mjetit tip Audi Q8, i cili ditën e mërkurë sfidoi Policinë e Shtetit duke iu larguar pas një ndjekjeje dramatike në rrugët e Tiranës.

Burime policore bëjnë me dije se në drejtim të automjetit ka qenë Joni Sadikaj, ndërsa pasagjer në makinë ishte Skerdi Sina, i cili u arrestua gjatë operacionit.

Gjatë ndjekjes nga zona e “Myslym Shyri” deri në ish-Bllok, automjeti u përplas me disa automjete të tjera. Megjithatë, Sadikaj arriti të largohet në këmbë, duke i shpëtuar policisë.

Joni Sadikaj ishte në kërkim që nga janari i këtij viti, lidhur me një ngjarje të ndodhur në zonën e Astirit, ku u mbajt e mbyllur një vajzë.

Operacioni për kapjen e tij vijon ende nga autoritetet.

LEXONI GJITHASHTU:

• Si u rrëmbye 20-vjeçarja në Astir? Gazetarja jep detaje: Çfarë u gjet në apartament
• Aksioni i RENEA-s për shpëtimin e vajzës në Astir, policia informacion zyrtar