Njëri u kap në Greqi e tjetri në Francë, ekstradohen 2 të kërkuarit ndërkombëtarisht

Në kuadër të bashkëpunimit të ngushtë ndërkombëtar, Interpol Tirana ka finalizuar procedurat për ekstradimin në Shqipëri të dy shtetasve të shpallur në kërkim ndërkombëtar, të cilët ishin kapur në Greqi dhe Francë.

Sipas informacioneve nga Interpol Tirana, më konkretisht është ekstraduar:

• Viktor Daci, 46 vjeç, i cili u kap në Greqi. Ai ishte shpallur në kërkim pas një vendimi të Gjykatës së Rrethit Gjyqësor Mat në vitin 2015, e cila i kishte caktuar masën e sigurisë “Arrest në burg” për veprat penale “Vrasja me paramendim”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe i municionit”.
• Paul Deda, 50 vjeç, i cili u kap në Francë. Ky shtetas ishte shpallur në kërkim pas një vendimi të GjKKO-së që i kishte caktuar masën “Arrest në burg” për akuzat e “trafikimit të lëndëve narkotike” dhe “pastrimit të parave”, veprime këto që janë kryer në kuadër të një organizate kriminale.

Operacioni “The Wanted”, u krye me qëllim kapjen dhe ekstradimin e personave të kërkuar ndërkombëtarisht për krime të rënda.

LEXONI GJITHASHTU:

• Marrëveshje tregtare për SHBA-në: Trump zbulon kushtet e reja të tarifave
• Propozimi i armëpushimit 60-ditor, ja kur do përgjigjet Hamasi