Pritet hapja e Kapshticës, Guri tregon 4 kushtet e panegociueshme të Greqisë për çdo person që hyn në këtë shtet

Etmond Guri, përfaqësues i komunitetit shqiptar në Greqi tha për Euronews Albania se vendimi që pritet të merret sot për hapjen e kufirit mes Shqipërisë dhe Greqisë në pikën kufitare të Kapshticës do të shoqërohet me një lehtësim të hyrje-daljeve, por lëvizjet do të jenë më të kontrolluara dhe në bazë të kritereve të rrepta vendosur nga qeveria greke.

Ai renditi 4 kushtet e pangeociueshme që ka venë qeveria greke për çdo person që hyn në territorin e këtij shteti.

“Janë katër kushte të pangociueshme; pasaporta blu ose certifikata e vaksinimit, testi negativ PCR, Rapid testi dhe Self testi që do të kërkohen për shtetasit shqiptarë dhe ata të huaj që do të hyjnë në territorin grek. Ministri grek i Turizmit çeli sezonin, që do të jetë pozitiv pasi ka ngjallur optimizëm për ringritjen e ekonomisë, por fsheh shumë pengesa pasi të gjithë turistët që do të udhëtojnë drejt Greqisë duhet të plotësojnë të gjitha këto kërkesa”, shpjegoi z. Guri.

Përfaqësues i komunitetit shqiptar në Greqi e cilësoi diskriminues vendimin e marrë nga qeveria shqiptare dy javë parë zgjedhjeve lidhur me karantinimin e shtetasve që vinin nga Greqia, që siç tha jo vetëm u shfrytëzua nga media greke që e cilësoi si goditje ndaj minoritetit, por edhe i privoi nga shumë të drejta shqiptarët që jetojnë në Greqi.

Lexoni gjithashtu:

Sot afati i fundit për mbylljen e Kapshticës, pritet vendimi i ri