Kapet me 14 mijë euro të padeklaruara në kufi, procedohet penalisht 40-vjeçari

Një shtetas 40-vjeçar është proceduar penalisht nga policia pasi tentoi të nxirrte nga Shqipëria një shumë prej 14,000 eurosh të cilën nuk e kishte deklaruar në kufi.

Sipas Policisë Kufitare në Kakavijë, gjatë kontrollit të ushtruar në dalje të vendit, në çantën e shtetasit O.K., banues në Fier, u gjetën 14,000 euro të padeklaruara në përputhje me ligjin.

Shuma e parave u sekuestrua ndërkohë që materialet i kaluan Prokurorisë pranë Gjykatës së Shkallës së Parë në Gjirokastër për veprime të mëtejshme ligjore.

“Në vijim të veprimeve procedurale për rastin, specialistët për Hetimin e Krimeve të DVKM Gjirokastër referuan materialet në Prokurori, ku nisi procedimi në gjendje të lirë, për veprën penale “Mosdeklarimi në kufi i të hollave dhe i sendeve me vlerë”, për shtetasin O. K., 40 vjeç, banues në Fier. Gjithashtu, u sekuestrua në cilësinë e provës materiale, shuma e eurove”, thuhet në njoftimin e policisë.

LEXONI GJITHASHTU:

• Tentoi të fuste në Shqipëri 26 mijë euro të padeklaruar, procedohet 35-vjeçari
• EMRI| Vodhi 7 palë syze me vlerë 11 200 euro në një dyqan, arrestohet 40-vjeçari