VIDEO| U kap me armë në makinë, arrestohet 31-vjeçari në Tiranë

Një 31-vjeçar ka rënë në prangat e Policisë së Tiranës, pasi u kap me armë zjarri dhe municion luftarak në një automjet. Arrestimi u bë gjatë operacionit të koduar “Fokusi”, të zhvilluar nga shërbimet e Komisariatit Nr. 4, mbi bazën e informacioneve të siguruara në rrugë operative.

Gjatë kontrollit të mjetit, në derën e pasagjerit, policia gjeti një pistoletë me municion, që dyshohet se mbahej pa leje nga shtetasi E. M., 31 vjeç. Në përfundim të veprimeve, ai u arrestua për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Ndërkohë, drejtuesi i automjetit, shtetasi F. B., 27 vjeç, u procedua penalisht për “Moskallëzim krimi”.

Arma e zjarrit, automjeti dhe dy aparate celularë u sekuestruan në cilësinë e provës materiale, ndërsa materialet i kaluan Prokurorisë për veprime të mëtejshme.

“Gjatë operacionit, në urën e Babrroit, shërbimet e Policisë ndaluan automjetin me drejtues shtetasin F. B. dhe pasagjer E. M. Gjatë kontrollit në automjetit, në derën e pasagjerit, u gjet një armë zjarri pistoletë me municion luftarak, që dyshohet se e posedonte shtetasi E. M. Arma e zjarrit u sekuestrua në cilësinë e provës materiale, bashkë me automjetin.

Në vijim të veprimeve për rastin, u arrestua shtetasi E. M., 31 vjeç, për veprën penale “Mbajtja pa leje dhe prodhimi i armëve, armëve shpërthyese dhe i municionit”, dhe nisi procedimi penal për shtetasin F. B., 27 vjeç, për veprën penale “Moskallëzimi i krimit”, të dy banues në Tiranë”, nkofton policia e Tiranës.