Tiranë, kush është i riu që humbi jetën në makinë në parkimin e pallatit në “Astir”

Një ngjarje e rëndë është shënuar në zonën e Astirit, në kryeqytet, ku një 29-vjeçar ka ndërruar jetë brenda automjetit të tij.

I riu, i identifikuar si Enea Dine, është gjetur pa shenja jete nga familjarët në parkimin e pallatit ku banonte, brenda automjetit të tij.

Burime policore thonë se 29-vjeçari ka mbërritur me automjetin e tij mbrëmë rreth ores 23:00 te parkimi i pallatit, ndërsa vetëm pasditen e kësaj të mërkure është konstatuar nga familjarët e tij i pajetë brenda në makinë.

Nga këqyrja e jashtme paraprake, nuk janë konstatuar shenja dhune mbi trupin e viktimës.

Grupi hetimor ndodhet në vendngjarje dhe po vijon punën për përcaktimin e plotë të rrethanave dhe shkakut të humbjes së jetës.

Njoftimi i plotë i policisë

“Me datë 16.07.2025, në Astir, në parkimin e pallatit ku banonte, është konstatuar nga familjarët, brenda automjetit të tij, pa shenja jete, shtetasi E.D, rreth 29 vjeç.

Nga këqyrja e jashtme paraprake, nuk janë konstatuar shenja dhune.

Grupi hetimor ndodhet në vendngjarje dhe po vijon punën për përcaktimin e plotë të rrethanave dhe shkakut të humbjes së jetës”, thuhet në njoftim.

LEXONI GJITHASHTU:

• Anulohet shtesa e legalizuar në hapësirë publike në Tiranë, çfarë paralajmëron Rama
• Vdekja e Jonada Avdiaj, Gjykata e Vlorës shpall të pafajshëm 5 efektivët e policisë