Viroza dhe helmime, infeksionet sezonale shtojnë fluksin në Spitalin Infektiv

Virozat e stinës, helmimet por edhe infeksionet e trurit çojnë çdo ditë në dyert e urgjencës në Spitalin Infektiv në QSUT dhjetëra pacientë.

Mjekët infeksionistë thonë se moshat janë nga më të ndryshmet, njëlloj si problematikat e tyre.

Shumica marrin shërbim urgjence dhe nisin terapinë në shtëpi, por për disa gjendja paraqitet më e rëndë dhe ka nevojë për shtrim në spital.

Mjekja thotë se të gjithë kanë në dorë të kujdesen për të parandaluar disa prej problemeve.

Paralelisht, edhe në urgjencën e sëmundjeve të brendshme apo atë pediatrike, numri i urgjencave të ndikuara nga vapa dhe stina është rritur ndjeshëm.