Berisha: PD kundër vendimeve militanteske për vakancat në Kushtetuese

Kryetari i Partisë Demokratike, Sali Berisha, ka lëshuar akuza të forta ndaj qeverisë pas daljes nga SPAK, ku u paraqit këtë të hënë në kuadër të masës së “detyrimit për t’u paraqitur”. I pyetur për vakancat në Gjykatën Kushtetuese dhe aludimet për favorizim të kandidatëve të caktuar, Berisha deklaroi se çdo emërim i ri në këtë institucion bëhet me qëllim kontrollin total të tij nga kryeministri Rama.

Sipas tij emërimet e raja në Kushtetuese realizohen për të larguar gjyqtarët që kanë mandate legjitime 8-vjeçare.

“Partia Demokratike ka bindjen se çdo emërim në Gjykatën Kushtetuese bëhet vetëm e vetëm me një qëllim: për të larguar në kundërshtim nga gjykata persona të cilët kanë mandatin 8-vjeçar.

Dhe meqenëse duan të mos ketë asnjë zë kundër, po të jenë 100 për qind dhe t’i kapin peng. A e ke të qartë ti kush u mor peng me skenat erotike? Po, siç më kanë ardhur mua, u kanë ardhur edhe ju. Dhe nga kush është marrë peng? Nga Dumani! Pra këta kërkojnë që t’i kenë të marrë peng, që të vendosin ashtu siç thotë Rama.

Së pari, Partia Demokratike është absolutisht kundër vendimeve militanteske partiake të Sokol Sadushit, i cili jashtë çdo tagri ka ndërhyrë në proces dhe e konsideron këtë si përpjekje për të marrë aty edhe të vetmin vend që nuk kishin, por që do jetë një akt i mirëfilltë antikushtetues”- tha Berisha.

LEXONI GJITHASHTU:

• Berisha paralajmëron protesta në shtator: Shqiptarët s’kanë rrugë tjetër
• Aksioni në Theth, reagon Berisha: Kabinat në tokat e tyre, nuk janë ndërtime pa leje