Të paktën 12 viktima pas dy tornadove të njëpasnjëshëm në Kinë

Dy tornado të njëpasnjëshëm kanë goditur Kinën duke lënë pas 12 viktima dhe mbi 300 të plagosur, raportuan autoritetet gjatë së shtunës.

Tornado i parë pati dëme të shumta materiale dhe la pa rrymë zonën e Shengze në brigjet e Kinës lindore.

Një tjetër tornado goditi Wuhanin rreth orës 8 të mbrëmjes, me erëra që kapnin shpejtësi prej 86 kilometrave në orë.

Sipas të përditshmes Hubei, 28 shtëpi janë shkatërruar plotësisht dhe 130 të tjera kanë pësuar dëme të mëdha.

Tornadot janë një dukuri e rrallë në Kinë. Në korrik të 2019, 6 persona humbën jetën nga një tornado në provincën Liaoning.