“PD do ndahet në 2 pjesë”, gazetari: Ja figurat që do promovohen

Gazetari Ardit Hoxha tha në emisionin Now në Euronews Albania se PD pritet të riorganizohet në 2 grupe në shtator; një brenda parlamentit dhe një jashtë tij.

Sipas tij, PD pritet të promovojë disa figura të njohura të PD që u votëbesuan dhe patën mbështetje në zgjedhjet e 11 majit por për arsye të ndryshme nuk hynë në Parlament si Ilir Alimehmeti, Aulon Kalaja apo Ervin Salianji.

“Teoria më e besueshme që mund të zërë më shumë vend në PD, është që do ketë një ndarje thuajse me thikë mes PD në Parlament dhe asaj jashtë Parlamentit. Mund të kemi një lidership të dytë të shkëputur nga deputetët, do krijohet një strukturë me figura që u votuan por nuk mundën në futen në Parlament që nga Alimehmeti, Salianji apo Aulon Kalaja, figura që patën mbështetje në zona të caktuara. Në asnjë moment nuk është vënë në dyshim lidershpi i Berishës në krye të PD. Flitet për një organizim me dy faza; e ara ajo më sipër dhe e dyta pas 2026 PD të gjejë një lider dhe kandidat për kryeministër në zgjedhjet e 2029”, tha Hoxha.

LEXONI GJITHASHTU:

• Berisha: PD kundër vendimeve militanteske për vakancat në Kushtetuese
• PD kërkoi pavlefshmërinë e zgjedhjeve në Tiranë, Kolegji Zgjedhor merr vendimin