Aksident tragjik në “Gjirin e Filikurit”: Humb jetën turistja holandeze

Një ngjarje e rëndë është regjistruar këtë të mërkurë në zonën e njohur turistike të “Gjirit të Filikurit” në Himarë, ku një turiste holandeze ka humbur jetën dhe një tjetër shtetase franceze është plagosur.

Sipas informacioneve paraprake, 23-vjeçarja holandeze M. B. dyshohet se është rrëzuar aksidentalisht gjatë një zbritjeje me litar nga shkëmbi. Ajo u transportua me ndihmën e Policisë Kufitare dhe iu dha ndihma e parë mjekësore, por për shkak të dëmtimeve të rënda, nuk mundi të mbijetonte.

Gjithashtu, në momentin e ngjarjes ka pasur edhe një rrëshqitje gurësh, nga e cila është lënduar 18-vjeçarja franceze J. L., e cila ndodhej në afërsi të vendngjarjes. Ajo është dërguar në spital dhe po merr ndihmën e nevojshme mjekësore.

Grupi hetimor ndodhet në vendin e ngjarjes dhe po punon për të zbardhur të gjitha rrethanat e aksidentit.

LEXONI GJITHASHTU: 

• PAMJE/ Makina përplaset me murin dhe përmbyset, plagosen çifti i bashkëshortëve
• U dhunua brutalisht në afërsi të lokalit në Tiranë, reagon biznesmeni Laert Kasaj