PAMJE/ Makina përplaset me murin dhe përmbyset, plagosen çifti i bashkëshortëve

Një aksident i rëndë ka ndodhur këtë të mërkurë në afërsi të fshatit Dvoran në Korçë, ku një automjet ka dalë nga rruga dhe është përmbysur, duke lënë të plagosur një çift bashkëshortësh që udhëtonin me të.

Dyshohet se drejtuesi i mjetit ka humbur kontrollin, duke dalë nga rruga ndërsa nga pamjet e siguruara nga Euronews Albania, shihet se automjeti është përmbysur në anë të rrugës, pasi është përplasur me një mur aty pranë.

Të dy të plagosurit janë transportuar drejt spitalit të Korçës për ndihmë mjekësore ndërsa në vendngjarje ka mbërritur edhe policia, e cila po punon për të zbardhur shkaqet dhe rrethanat e aksidentit.

LEXONI GJITHASHTU:

• Makina përplas tre gra para lokalit në Fushë-Arrëz, si është gjendja e të lënduarave
• SPAK zgjat me 3 muaj të tjerë hetimet për kryebashkiakun e Shkodrës, Benet Beci